پنجاب حکومت نے سرکاری تنصیبات کی حفاظت کے لیے نیا آرڈیننس جاری کیا ہے، جس کے تحت مین ہول کورز، اسٹریٹ لائٹس، حفاظتی باڑ اور دیگر اہم تنصیبات کو نقصان پہنچانے یا چوری کرنے والوں کے لیے سخت سزائیں مقرر کی گئی ہیں۔
محکمہ ہاؤسنگ پنجاب کے ترجمان کے مطابق، پنجاب پبلک یوٹیلٹیز انفراسٹرکچر پروٹیکشن آرڈیننس 2026 کے تحت سرکاری تنصیبات کی چوری یا نقصان پہنچانے پر ایک سے تین سال تک قید اور دو سے تیس لاکھ روپے تک جرمانہ عائد کیا جائے گا۔ اس کے علاوہ بغیر اجازت تنصیبات کو اتارنے، ہٹانے یا خرید و فروخت کرنے پر بھی ایک سے تین سال قید اور پانچ سے تیس لاکھ روپے جرمانہ لاگو ہوگا۔
ترجمان نے بتایا کہ آرڈیننس کا دائرہ کار وسیع کر دیا گیا ہے تاکہ حفاظتی اقدامات مضبوط ہوں اور شہری سہولیات کو نقصان پہنچانے والوں کے خلاف مؤثر کارروائی کی جا سکے۔ اس میں نہ صرف مین ہول کورز بلکہ اسٹریٹ لائٹس، حفاظتی باڑ اور دیگر سرکاری تنصیبات شامل ہیں۔
اس اقدام کا مقصد سرکاری املاک کی حفاظت کو یقینی بنانا اور شہری سہولیات کی بہتر دیکھ بھال کو فروغ دینا ہے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔