میلادالنبی منانے جانے والی بس کو حادثہ، 26 بچے جاں بحق

ہاٹ لائن نیوز : شمالی نائیجیریا کی ریاست کدونا میں جشن میلادالنبی کے دوران بچوں کو لے جانے والی بس میں 25 بچے جاں بحق ہوگئے۔

روڈ سیفٹی ایجنسی ایف آر ایس سی کے مقامی دفتر کے سربراہ کیبیرو نادابو نے بتایا کہ حادثہ اتوار کو اس وقت پیش آیا جب ڈرائیور تیز رفتاری کے باعث بس پر سے کنٹرول کھو بیٹھا اور بس ایک ٹرک کیساتھ ٹکرا گئی۔

واقعے میں بچوں اور منتظمین سمیت 40 افراد زخمی بھی ہوئے ہیں۔ انہوں نے کہا کہ بس میں 63 بچے سوار تھے اور ڈرائیور لاپرواہی سے گاڑی چلا رہا تھا۔

ان کا کہنا تھا کہ حادثے میں 15 موقع پر ہی دم توڑ گئے جب کہ 48 زخمیوں کو مختلف اسپتالوں میں لے جایا گیا جن میں سے 10 جانبر نہ ہوسکے جس سے جاں بحق بچوں کی تعداد 25 ہوگئی۔