مودی سرکار نے خود اپنے پاؤں پر کلہاڑی ماری ہے، مشعال ملک

مودی سرکار نے خود اپنے پاؤں پر کلہاڑی ماری ہے، مشعال ملک

حریت رہنما یاسین ملک کی اہلیہ اور انسانی حقوق کی رہنما مشعال ملک نے کہا ہے کہ انڈیا پہلگام فالس فلیگ کی آڑ میں کشمیریوں کو ٹارگٹ کر رہا ہے، کشمیری قوم بھاری قیمت ادا کر رہی ہے، بہت سی سفارکاریاں ہو رہی ہیں لیکن کچھ نتیجہ نہیں نکلا اس لیے کہ بھارت کی نیت ٹھیک نہیں، دنیا کے لئے کشمیر کا مسئلہ حل کرنے کے لئے یہ بہترین موقع ہے،

انہوں نے اقوام متحدہ سے صورتحال کا نوٹس لینے کا مطالبہ کیا اور کہا کہ ہر کشمیری کی ایک داستان ہے، نہتے کشمیریوں کا قتل ہو رہا ہے، جنازے اٹھائے جا رہے ہیں، پانی پر مودی سرکار جارحیت کر رہی ہے، جنگوں میں کوئی فاتح نہیں ہوتا ، اس میں صرف جانی نقصان ہی ہوتا ہے، ہمیں اپنی مسلح افواج پر فخر ہے، بھارتی فوج نے ہاتھ کھڑے کیے ہیں اور وہ جنگ کے حق میں نہیں،بنگلہ دیش اور چین کا مؤقف قابلِ ستائش ہے، مودی سرکار نے اپنے پیروں پر خود ہی کلہاڑی مار لی ہے۔