ہاٹ لائن نیوز : گڈو پاور پلانٹ کشمور کے ٹرانسفارمر میں دھماکے اور آگ لگنے سے ہائی ٹرانسمیشن لائنیں ٹرپ کر گئیں جس کے نتیجے میں ملک کے کئی حصوں میں بجلی کی فراہمی معطل ہو گئی۔
ذرائع کے مطابق شدید دھند کے باعث بجلی کی بحالی کا کام شروع نہیں ہو سکا۔
گڈو تھرمل پاور ہاؤس میں آگ 500 کے وی سوئچ یارڈ ٹرپ ہونے سے لگی جس کے بعد پلانٹ کے گرڈ اسٹیشن پر ایمرجنسی نافذ کر دی گئی۔
حکام کے مطابق پاور ہاؤس کے سوئچ یارڈ میں دھماکا فنی خرابی کے باعث ہوا۔ پاور پلانٹ میں لگی آگ کو شدید جدوجہد کے بعد بجھایا گیا۔ تاہم لائنیں ٹرپ ہونے سے سندھ، پنجاب اور بلوچستان کے مختلف اضلاع کو بجلی کی فراہمی معطل ہوگئی۔
.
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔
