معروف ٹک ٹاکر غیرت کے نام پر قتل
معروف ٹک ٹاکر غیرت کے نام پر قتل
نور پور تھل میں غیرت کے نام پر قتل کی ایک انتہائی افسوسناک واردات میں معروف ٹک ٹاکر اقراء، جو کہ سوشل میڈیا پر تھل کی شہزادی کے نام سے جانی جاتی ہیں، کو فائرنگ کر کے ان کے ہی گھر میں قتل کر دیا گیا، پولیس نے قریبی رشتہ دار کو گرفتار کر کے تفتیش کا آغاز کر دیا،ڈی۔پی۔ او خوشاب محمد نعیم کے مطابق، ابتدائی تحقیقات سے معلوم ہوتا ہے کہ مقتولہ کو غیرت کے نام پر قتل کیا گیا ہے۔
اس کا کزن جو مقتولہ کو ٹک ٹاک پر ویڈیوز بنانے سے روکتا تھا، اس نے طیش میں آ کر اقراء کو فائرنگ کا نشانہ بنایا اور وہ موقع پر ہی جاں بحق ہو گئیں،ڈی۔ پی۔ او کے مطابق فوری کارروائی کرتے ہوئے ملزم کو گرفتار کر لیا گیا ہے اور تھانہ نور پور تھل میں قتل کا مقدمہ درج کر لیا گیا ہے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔