مصنوعی ذہانت کی طاقت: اینویڈیا نے تاریخی سنگ میل عبور کر لیا

امریکی ٹیکنالوجی کمپنی اینویڈیا نے ایک تاریخی سنگ میل عبور کر لیا ہے اور وہ دنیا کی پہلی کمپنی بن گئی ہے جس کی مارکیٹ ویلیو 50 کھرب ڈالر تک پہنچ گئی ہے۔

اینویڈیا مصنوعی ذہانت کے شعبے میں نمایاں کردار ادا کرنے والی کمپنی ہے، اور اس کے تیار کردہ چپس بڑے ماڈلز کو تربیت دینے اور چلانے کے لیے استعمال ہوتے ہیں۔ عالمی سطح پر AI کے بڑھتے ہوئے رجحان کی وجہ سے اینویڈیا کے چپس کی طلب میں زبردست اضافہ ہوا ہے، جس کے نتیجے میں کمپنی کے حصص کی قیمتیں تیزی سے بڑھ رہی ہیں۔

جون 2023 میں اینویڈیا کی مارکیٹ ویلیو تقریباً 10 کھرب ڈالر تھی، لیکن اب اس کے حصص کی قیمت میں 5.6 فیصد اضافے کے بعد 212 ڈالر تک پہنچ گئی ہے۔

ورلڈ بینک کے اعداد و شمار کے مطابق، اینویڈیا کی موجودہ مارکیٹ ویلیو امریکہ اور چین کے علاوہ دنیا کے ہر ملک کی مجموعی پیداوار سے بھی زیادہ ہے، جو کمپنی کی کامیابی اور مصنوعی ذہانت کے شعبے میں اس کے مرکزی کردار کو ظاہر کرتی ہے۔