کراچی: محکمہ تعلیم سندھ نے آکسفورڈ یونیورسٹی میں تعلیم حاصل کرنے کے خواہشمند طلبہ و طالبات کے لیے اسکالرشپ کا اعلان کیا ہے۔
اس اسکالرشپ کا مقصد گریجویٹ، ماسٹرز، ایم فل اور پی ایچ ڈی کے امیدواروں کو مواقع فراہم کرنا ہے۔ اسکالرشپ حاصل کرنے کے لیے امیدوار کے پاس سندھ کا ڈومیسائل اور قومی شناختی کارڈ ہونا ضروری ہے۔
امیدوار کو آکسفورڈ یونیورسٹی کے میرٹ معیار پر پورا اترنا اور انگریزی زبان میں مہارت رکھنا لازمی ہوگی۔ شارٹ لسٹ کیے گئے امیدواروں کا انتخاب انٹرویو کے بعد کیا جائے گا۔
محکمہ تعلیم سندھ کا کہنا ہے کہ یہ اسکالرشپ بلاول بھٹو زرداری اور وزیراعلیٰ سندھ کے حالیہ آکسفورڈ دورے کے پس منظر میں دی جا رہی ہے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔