پشاور: مردان میں پاکستان تحریک انصاف کے مجوزہ جلسے میں قومی اسمبلی میں اپوزیشن لیڈر محمود خان اچکزئی کی شرکت نہ کرنے کا امکان ظاہر کیا جا رہا ہے۔
پارٹی ذرائع کے مطابق محمود خان اچکزئی جلسے کے حوالے سے پیشگی اعتماد میں نہ لیے جانے پر قیادت سے ناراض ہیں۔
ذرائع کا کہنا ہے کہ جلسے کی تاریخ صوبائی قیادت کی جانب سے طے کی گئی تھی جبکہ پارٹی کے بانی عمران خان نے جلسوں اور احتجاجی حکمت عملی کا اختیار محمود اچکزئی کو دیا تھا۔
مزید بتایا گیا ہے کہ جلسے میں شرکت کے لیے پارٹی رہنما عاطف خان نے محمود اچکزئی سے رابطہ کیا تھا، تاہم انہوں نے اس بارے میں کوئی حتمی رضامندی ظاہر نہیں کی۔
دوسری جانب صوبائی وزیر مینا خان نے کہا ہے کہ تمام فیصلے محمود اچکزئی کی مشاورت سے کیے جائیں گے اور مردان جلسہ بانی پی ٹی آئی کے احکامات کے مطابق منعقد کیا جا رہا ہے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔