ماڈل حمیرا اصغر کے گھر والوں کا لاش وصول کرنے سے انکار

ماڈل حمیرا اصغر کے گھر والوں کا لاش وصول کرنے سے انکار

کراچی میں ڈیفنس فیز سکس کے فلیٹ سے اداکارہ حمیرا اصغر کی ملنے والی لاش کا پوسٹ مارٹم مکمل ہو گیا ہے جبکہ پولیس نے ماڈل اور اداکارہ حمیرا اصغر کے گھر والوں سے بھی رابطہ کیا ہے، لیکن ابھی تک کوئی بھی شخص اداکارہ کی لاش وصول کرنے نہیں آیا، ایس۔ ایچ۔ او فاروق سنجرانی نے کہا ہے کہ پولیس نے حمیرا کے موبائل فون میں سے اس کے بھائی کا نمبر حاصل کر کے بھائی سے رابطہ کیا۔

حمیرا اصغر کے بھائی نے اپنے والد سے بات کرائی جس پر والد نے کہا ہے کہ ہمارا حمیرا سے کوئی تعلق نہیں ہے ان کے والد نے کہا کہ ہم نے ان سے قطع تعلق کر لیا تھا، حمیرا کے باپ کو سمجھایا گیا ہے کہ کراچی پہنچ کر لاش وصول کر لیں، لیکن انہوں نے ابھی تک پولیس سے دوبارہ رابطہ نہیں کیا ہے، ایس۔ ایچ۔ او فاروق سنجرانی کے مطابق ہم کوشش کر رہے ہیں کہ گھر والے جلد آ کر لاش وصول کر لیں تا کہ مزید کارروائی آگے بڑھائی جا سکے۔