عمران خان کو سزا ہوئی تو بھی مذاکرات جاری رہیں گے، شیخ وقاص

ہاٹ لائن نیوز : پی ٹی آئی کے سیکرٹری اطلاعات وقاص اکرم شیخ نے کہا ہے کہ عمران خان کو سزا ہوئی تو بھی مذاکرات کا عمل جاری رہے گا، مذاکرات میں پیش کیے گئے مطالبات سول نافرمانی کی تحریک سے مشروط ہیں۔

پشاور میں پریس کانفرنس کرتے ہوئے پی ٹی آئی کے سیکرٹری اطلاعات شیخ وقاص اکرم کا کہنا تھا کہ ہم سے سول نافرمانی کی تحریک کے بارے میں پوچھا جا رہا ہے، سول نافرمانی کی تحریک کی کال بانی چیئرمین کی تھی۔

شیخ وقاص اکرم نے کہا کہ سول نافرمانی کی تحریک کا پہلا مرحلہ جاری ہے، سول نافرمانی کی تحریک بیرون ملک پاکستانیوں کے لیے ہے، بیرون ملک پاکستانیوں کے اہل خانہ کو دھمکیاں دی جارہی ہیں، 3 ماہ میں پتہ چل جائے گا کہ سول نافرمانی کی تحریک کیا ہوتی ہے۔

انہوں نے کہا کہ سمندر پار پاکستانی موجودہ نظام سے بیزاری کا اظہار کر رہے ہیں، تارکین وطن حکومت سے برہم ہیں، بانی نے اوورسیز پاکستانیوں کے لیے روشن ڈیجیٹل پروگرام شروع کیا تھا، سول نافرمانی کی تحریک پاکستان نہیں، فارم 47 حکومت کیخلاف ہے۔ ، اوورسیز پاکستانی حکومت کی فسطائیت سےخوفزدہ نہیں۔

پی ٹی آئی سیکرٹری اطلاعات کا مزید کہنا تھا کہ سول نافرمانی کی تحریک ملک کے خلاف نہیں بلکہ بوگس حکومت اور نااہل وزیراعظم کے خلاف ہے، عمران خان جانتے ہیں کہ سول نافرمانی کی تحریک سے عوام کو مشکلات کا سامنا ہے۔

ان کا مزید کہنا تھا کہ فوجی عدالتوں سے کارکنوں کی رہائی کا کوئی دور نہیں، کارکنان کی رہائی میں کوئی خیرسگالی نہیں، بانی چیئرمین کو 6 جنوری کو سزا نہیں ہونی چاہیے، خان صاحب کو بھی سزا ہو جائے، مذاکراتی عمل جاری رہے گا۔

پی ٹی آئی کے سیکریٹری اطلاعات نے کہا کہ بانی نے واضح کیا ہے کہ 9 مئی، 26 نومبر کو جوڈیشل کمیشن، قیدیوں کی رہائی ہمارا مطالبہ ہے، 190 ملین پاؤنڈ کیس، کوئی سزا نہیں ہوگی، یہ بریت کا کیس ہے، چاہے سزا ہی کیوں نہ دی جائے۔ مذاکرات متاثر نہیں ہوں گے، ہم ڈیل نہیں مانگ رہے، جوڈیشل کمیشن کے ذریعے انصاف مانگ رہے ہیں۔