طالبان حکومت کو سفارتی سطح پر مشکلات کا سامنا

افغانستان میں برسرِ اقتدار طالبان حکومت کو عالمی سفارتی محاذ پر مسلسل چیلنجز کا سامنا ہے اور مختلف ممالک کے ساتھ روابط میں پیش رفت دکھائی نہیں دے رہی۔
میڈیا رپورٹس کے مطابق روس کے افغانستان سے متعلق خصوصی نمائندے ضمیر کابولوف نے واضح کیا ہے کہ افغانستان کے معاملے پر روس اور امریکا کے درمیان نہ تو کسی قسم کا رابطہ ہوا ہے اور نہ ہی رواں سال کسی ملاقات کا انعقاد طے پایا ہے۔ ان کا کہنا تھا کہ دونوں ممالک کے درمیان افغانستان کے حوالے سے براہِ راست مذاکرات بھی نہیں ہوئے۔
دوسری جانب ایک بین الاقوامی خبر رساں ادارے کی رپورٹ میں بتایا گیا ہے کہ سابق امریکی صدر ڈونلڈ ٹرمپ کی انتظامیہ نے افغان شہریوں کی امریکا منتقلی کے لیے قطر میں قائم عارضی کیمپ کو بند کرنے کا فیصلہ کیا تھا۔ رپورٹ کے مطابق یہ کیمپ افغانستان سے انخلا کے بعد افغان باشندوں کو عارضی طور پر رکھنے کے لیے استعمال کیا جا رہا تھا۔
تجزیہ کاروں کے مطابق ان پیش رفتوں سے ظاہر ہوتا ہے کہ طالبان حکومت کو عالمی سطح پر سفارتی قبولیت حاصل کرنے میں بدستور مشکلات درپیش ہیں۔