ہاٹ لائن نیوز : پی ٹی آئی کے سابق سینئر نائب صدر شیر افضل مروت کی پارٹی رکنیت کی منسوخی کا معاملہ الجھ گیا ہے۔ پارٹی رکنیت کی منسوخی کے حوالے سے کور کمیٹی کے ارکان اور چیئرمین پی ٹی آئی بیرسٹر گوہر کیجانب سے متضاد بیانات سامنے آئے ہیں۔
پی ٹی آئی کی کور کمیٹی نے شیرافضل مروت کی پارٹی رکنیت منسوخی کے نوٹیفکیشن کو درست قرار دے دیا جب کہ چیئرمین بیرسٹر گوہر نے رکنیت منسوخی کے نوٹیفکیشن کو جعلی قرار دے دیا۔
بیرسٹر گوہر نے کہا کہ وہ ایسے کسی فیصلے سے واقف نہیں ہیں اور نہ ہی کوئی منظوری دی ہے۔
دوسری جانب کور کمیٹی کے اراکین بھی اس بات پر بضد ہیں کہ یہ فیصلہ اجلاس میں کیا گیاہے۔ پی ٹی آئی کےایڈیشنل جنرل سیکرٹری فردوس شمیم نقوی نےنوٹی فکیشن جاری کرتے ہوئے کہاہےکہ پی ٹی آئی نے سنگین خلاف ورزیوں کی بنیادپرشیر افضل مروت کی پارٹی کی بنیادی رکنیت منسوخ کر دی ہے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔