ہاٹ لائن نیوز : کراچی میں شادی والاگھر ماتم کدہ بن گیا، شادی سے ایک روز قبل اسامہ جاوید نامی نوجوان کو اس کے دوست نے قتل کردیا۔
گزشتہ روز عوامی کالونی کورنگی سے اسامہ کی لاش برآمد ہوئی تھی۔
پولیس نے والد کی شکایت پر قتل کی دفعات کے تحت مقدمہ درج کر لیا ہے۔
ایف آئی آر میں مقتول کے والد نے پولیس کو بتایا کہ اس نے جمعہ کو دلہن کے گھر اپنے بیٹے کی مایوں کیلیے جانا تھا، اسامہ کا دوست طلحہ اسے لینے آیا تھا، جب وہ دلہن کے گھر سے واپس آیا تو اسامہ وہاں نہیں تھا۔
والد نے بتایا کہ اسامہ کو فون کیا تو نمبر بند تھا، بعد میں پولیس کو اس کی لاش ملی، جب انہوں نے لاش اسپتال میں دیکھی تو اس کی شناخت اس کے بیٹے کے طور پر کی۔
والد نے پولیس کو بتایا کہ اسامہ کو اس کا دوست ایک کار میں لے گیا اور اس نے اسامہ کو قتل کیا۔
دوسری جانب پولیس نے واقعے میں استعمال ہونے والی گاڑی برآمد کر لی ہے، گاڑی سے خون کے نمونے بھی حاصل کر لیے گئے ہیں۔
پولیس حکام کے مطابق طلحہ نے دو دیگر ساتھیوں کے ساتھ مل کر اسامہ کو گولی مار کر ہلاک کیا۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔
