پاکستان کی معروف اداکارہ پروین اکبر نے بتایا ہے کہ اولڈ ایج ہوم کے حالیہ دورے نے انہیں گہری ذہنی اداسی اور سوچ میں مبتلا کردیا۔ ایک مارننگ شو میں گفتگو کرتے ہوئے انہوں نے کہا کہ وہاں موجود بزرگ خواتین کی حالت دیکھ کر وہ کئی دن تک افسردہ رہیں۔
پروین اکبر کے مطابق انہوں نے متعدد خواتین کو اپنی اولاد کا انتظار کرتے دیکھا، کچھ کی نظریں مسلسل دروازے پر جمی تھیں جیسے انہیں اب بھی امید ہو کہ ان کے بچے انہیں لینے آجائیں گے۔
اداکارہ نے بتایا کہ ایک خاتون، جو بظاہر اچھی تعلیم یافتہ لگ رہی تھیں، نے مکالمے کے دوران انکشاف کیا کہ ان کے دو بیٹے اور دو بیٹیاں ہیں، لیکن بہوؤں کے لیے وہ “بوجھ” سمجھی جاتی تھیں، جبکہ بیٹیوں کے گھروں میں رہنا ممکن نہیں تھا، اسی لیے وہ اولڈ ایج ہوم میں مقیم ہیں۔
پروین اکبر کا کہنا تھا کہ اس تجربے نے انہیں احساس دلایا کہ بڑھاپے میں والدین کی تنہائی اور بے بسی کس قدر تکلیف دہ ہوسکتی ہے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔