سپریم کورٹ لاہور رجسٹری کا غیر ملکی قیدیوں کی رہائی کا حکم
لاہور: سپریم کورٹ لاہور رجسٹری کے نظرثانی بورڈ نے سزا پوری کرنے والے غیر ملکی قیدیوں کی رہائی کا حکم دے دیا ہے۔
عدالت میں پیش کیے گئے قیدیوں میں 29 مرد اور 4 خواتین شامل تھے، جن پر غیر قانونی طور پر سرحد عبور کرنے اور اسمگلنگ جیسے الزامات تھے۔ ان قیدیوں کا تعلق بھارت، افریقا، کینیا، بنگلادیش سمیت مختلف ممالک سے ہے۔
سماعت کے دوران ایڈیشنل ہوم سیکرٹری، جیل حکام، اور دیگر متعلقہ افسران بھی عدالت میں موجود تھے۔
عدالت نے ہدایت دی کہ جن قیدیوں نے اپنی سزا مکمل کر لی ہے، انہیں فوری طور پر رہا کر کے ان کے ممالک واپس بھیجا جائے۔ ساتھ ہی غیر ملکی قیدیوں کو بہتر خوراک اور طبی سہولیات فراہم کرنے کا بھی حکم دیا گیا۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔