ملک میں سونے کی قیمتوں میں کمی کا سلسلہ جاری ہے، جس کے باعث خریداروں کے لیے اچھی خبر سامنے آئی ہے۔ مقامی صرافہ مارکیٹ میں فی تولہ سونے کی قیمت میں مزید 4 ہزار 700 روپے کی کمی ریکارڈ کی گئی۔
صرافہ مارکیٹ کے مطابق کمی کے بعد فی تولہ سونا 4 لاکھ 30 ہزار 236 روپے کا ہو گیا ہے، جبکہ 10 گرام سونے کی قیمت میں بھی 4 ہزار 29 روپے کی کمی ہوئی، جس کے بعد 10 گرام سونا 3 لاکھ 68 ہزار 858 روپے میں فروخت ہو رہا ہے۔
عالمی مارکیٹ میں بھی سونے کی قیمت میں کمی دیکھی گئی، جہاں فی اونس سونا 47 ڈالر کمی کے بعد 4 ہزار 78 ڈالر پر آ گیا۔
ماہرین کے مطابق عالمی سطح پر قیمتوں میں ہونے والی تبدیلیوں کے اثرات پاکستان کی مقامی مارکیٹ پر بھی پڑتے ہیں، جس کی وجہ سے سونے کی قیمتوں میں کمی دیکھنے میں آئی ہے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔