سوشل میڈیا ٹرینڈ کی تقلید جان لیوا ثابت، کچے نوڈلز کھانے والا نوجوان جاں بحق
قاہرہ : سوشل میڈیا پر وائرل ہونے والے ایک خطرناک ٹرینڈ کی پیروی نے ایک کم عمر لڑکے کی جان لے لی۔ مصر کے دارالحکومت قاہرہ سے تعلق رکھنے والا 13 سالہ نوجوان کچے نوڈلز کھانے کے بعد انتقال کر گیا۔
ذرائع کے مطابق یہ افسوسناک واقعہ 23 اگست کو پیش آیا، جب لڑکے نے بیک وقت تین پیکٹ کچے نوڈلز کھائے۔ تھوڑی ہی دیر بعد اسے شدید پیٹ درد، الٹی اور کپکپی کی شکایت ہوئی۔ حالت بگڑنے پر فوری طور پر طبی امداد دی گئی، لیکن وہ جانبر نہ ہو سکا۔
طبی ماہرین کا کہنا ہے کہ زیادہ مقدار میں کچا یا پراسیسڈ کھانا کھانے سے نظامِ ہاضمہ پر منفی اثرات مرتب ہو سکتے ہیں، جو بعض صورتوں میں جان لیوا بھی ثابت ہو سکتے ہیں۔
ماہرین اور والدین کی جانب سے بچوں کو سوشل میڈیا پر موجود غیر محفوظ ٹرینڈز سے دور رکھنے اور ان پر نظر رکھنے کی اپیل کی گئی ہے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔