ہاٹ لائن نیوز : سوئی گیس کے سٹور سے 37 کروڑ روپے کے پائپ چوری کے معاملہ میں عدالت نے مانگا منڈی سٹور انچارج کی درخواست ضمانت مسترد کر دی۔
اسپیشل جج سینٹرل ون نے ملزم تقدس بٹ کی بعد از گرفتاری ضمانت پر سماعت کی۔
محکمہ سوئی گیس کی جانب سے ضیاء السلام منج ایڈووکیٹ پیش ہوئے۔
ملزم کے وکیل کا کہنا ہے کہ ملزم سوئی گیس سٹور کا انچارج تھا،ملزم پائپ چوری میں ملوث نہیں ہے،ملزم پر کوئی جرم ثابت نہیں ہو سکا،ایف آئی اے نے ملزم کو بے بنیاد الزامات پر مقدمہ میں ملوث کیا لہذا عدالت ملزم کی ضمانت منظور کر کے رہائی کا حکم دے۔
وکیل سوئی گیس نے عدالت میں بتایا کہ ملزم سوئی گیس مانگا منڈی سٹور کا انچارج تھا، سٹور پر چوری کی تمام ذمہ داری انچارج پر عائد ہوتی ہے،سٹور میں لگے کیمروں میں پائپ گاڑیوں کے ذریعے لے جاتے دیکھا جا سکتا ہے،ملزم کسی رعایت کا مستحق نہیں ہےلہذاملزم کی بعد از گرفتاری ضمانت مسترد کی جائے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔