کراچی: گل پلازہ میں پیش آنے والے حالیہ آتشزدگی کے واقعے کے بعد گورنر سندھ کامران ٹیسوری نے فائر سیفٹی سے متعلق مفت تربیتی پروگرام شروع کرنے کا اعلان کیا ہے۔ یہ پروگرام گورنر ہاؤس میں منعقد کیا جائے گا۔
گورنر سندھ نے یہ اعلان جامعہ بنوریہ عالمیہ کے کانووکیشن سے خطاب کے دوران کیا۔ انہوں نے کہا کہ فائر سیفٹی کی مفت تربیت حاصل کرنے کے لیے مختلف ایسوسی ایشنز، مارکیٹ تنظیمیں اور تاجر تنظیمیں گورنر ہاؤس سے رابطہ کر سکتی ہیں۔
کامران ٹیسوری کا کہنا تھا کہ ایسے واقعات سے بچاؤ کے لیے احتیاطی تدابیر اور آگ سے نمٹنے کی عملی تربیت نہایت ضروری ہے، تاکہ قیمتی جانوں اور املاک کو محفوظ بنایا جا سکے۔
واضح رہے کہ کراچی میں گزشتہ ہفتے 17 جنوری کی شب گل پلازہ میں شدید آگ لگ گئی تھی، جس کے نتیجے میں عمارت کو شدید نقصان پہنچا اور کاروباری سرگرمیاں متاثر ہوئیں۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔