اسلام آباد ہائیکورٹ نے یوٹیوبرز رجب بٹ اور ندیم نانی والا کی 10 دن کی راہداری ضمانت منظور کرتے ہوئے انہیں متعلقہ عدالت سے رجوع کرنے کی ہدایت جاری کردی۔
جسٹس انعام امین منہاس نے درخواست پر سماعت کی، جہاں دونوں ملزمان ذاتی طور پر پیش ہوئے۔ سماعت کے دوران درخواست گزار کے وکیل نے مؤقف اختیار کیا کہ ملزمان کے خلاف کراچی میں بھی مقدمہ درج ہے، اس لیے 15 روز کی راہداری ضمانت دی جائے۔ عدالت نے استدعا جزوی طور پر منظور کرتے ہوئے 10 دن کی حفاظتی ضمانت جاری کی اور کہا کہ بعد ازاں متعلقہ عدالت سے رجوع کیا جائے۔
رجب بٹ اور ندیم نانی والا کے خلاف گیمبلنگ ایپ کی تشہیر کے الزام میں سائبر کرائم قوانین کے تحت مقدمات درج ہیں۔ گزشتہ روز عدالت نے رجب بٹ کی پاکستان واپسی پر انہیں ہوائی اڈے سے گرفتار نہ کرنے کا عبوری حکم بھی جاری کیا تھا۔
واضح رہے کہ رجب بٹ کو برطانیہ میں ویزا منسوخ ہونے کے بعد ملک بدر کیا گیا، جس کے بعد وہ پاکستان پہنچے ہیں۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔