راولپنڈی: پاکستان سپر لیگ میں لاہور قلندرز نے فتح کا ذائقہ چکھ لیا

راولپنڈی: پاکستان سپر لیگ میں لاہور قلندرز نے فتح کا ذائقہ چکھ لیا

تفصیلات کے مطابق لاہور قلندرز کی جانب سے دیے گئے 220 رنز کے ہدف کے تعاقب میں کوئٹہ گلیڈی ایٹرز 140 رنز پر ڈھیر ہوئی، رائلی روسو 44 اور کوشال مینڈس 28 رنز بنا سکے، کوئٹہ کے چھ کھلاڑی ڈبل فیگرز میں بھی داخل نہ ہوئے۔

آل رائونڈر فہیم اشرف نے 22 رنز کی اننگز کھیلی، شعیب ملک 14 رنز جبکہ عقیل حسین تیرہ رنز بنا کر آؤٹ ہوئے، لاہور کی طرف سے عمدہ بولنگ کرتے ہوئے رشاد حسین نے 31 رنز دیکر 3 بیٹرز کو پویلین کی راہ دکھائی، شاہین آفریدی، سکندر رضا اور آصف آفریدی نے دو دو وکٹیں حاصل کیں۔

اس سے پہلے لاہورقلندرز نے پہلے کھیلتے ہوئے چھ وکٹ کے نقصان پر 219 رنز بنائے، فخر زمان نے 67 رنز کی عمدہ اننگز کھیلی، سیم نے 50 رنز کی جارحانہ اننگز سے لاہور کو بڑے ٹوٹل کا موقع دیا۔

کوئٹہ گلیڈی ایٹرز کی طرف سے ابرار احمد اور عقیل حسین نے دو دو کھلاڑیوں کو آؤٹ کیا، عثمان طارق اور فہیم اشرف نے 1,1 وکٹ حاصل کی۔