دو روزہ دورے پر وزیر اعظم شہباز شریف تاجکستان پہنچ گئے
ہاٹ لائن نیوز : وزیراعظم میاں محمد شہباز شریف اپنے وفد کے ہمراہ تاجکستان کے دو روزہ دورے پر دوشنبے پہنچ گئے ہیں۔
تاجکستان کے وزیر اعظم قاہر رسول زادہ، تاجکستان کے وزیر توانائی و آبی وسائل دلیر جمعہ، تاجکستان کے نائب وزیر خارجہ فرخ شریف زادہ، دوشنبے کے میئر جمشید تبارزادہ اور پاکستان میں تاجکستان کے سفیر یوسف شریف زادہ، تاجکستان میں پاکستانی سفیر محمد سعید سرور اور اعلیٰ حکومتی و سفارتی حکام نے وزیراعظم کا استقبال کیا۔
وزیراعظم شہبازشریف نے تاجک ہم منصب قاہر رسول زادہ سے ایئرپورٹ پر ملاقات کی۔ وزیراعظم نے دوشنبہ میں اسماعیل سامانی کی یادگار پر حاضری دی اور پھولوں کا گلدستہ چڑھایا۔ انہیں گارڈ آف آنر بھی پیش کیا گیا۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔