دبئی پولیس کی ایشیا کپ میچ سے قبل کرکٹ شائقین کو وارننگ

ایشیا کپ میں پاکستان اور بھارت کے درمیان ہونے والے اہم میچ سے قبل دبئی پولیس نے اسٹیڈیم آنے والے شائقین کے لیے اہم ہدایات جاری کی ہیں۔ حکام کا کہنا ہے کہ اسٹیڈیم میں بدتمیزی، جھگڑے، نسل پرستانہ الفاظ یا غیرمہذب رویہ اختیار کرنے والوں کے خلاف سخت کارروائی کی جائے گی۔

دبئی پولیس کے مطابق، ایسے افراد کو 1 سے 3 ماہ قید اور 10 ہزار سے 30 ہزار درہم (تقریباً ساڑھے 7 لاکھ سے 23 لاکھ پاکستانی روپے) جرمانے کا سامنا کرنا پڑ سکتا ہے۔

پولیس نے شائقین پر زور دیا ہے کہ وہ کھیل کو کھیل ہی سمجھیں، اور مثبت و مہذب انداز میں میچ سے لطف اندوز ہوں۔ کسی بھی قسم کی قانون شکنی کی صورت میں فوری قانونی اقدام کیا جائے گا تاکہ اسٹیڈیم کا ماحول پرامن اور محفوظ رہے۔