“دبئی مال میں عوام کے درمیان، صدر اور ولی عہد کی حیران کن آمد!”

متحدہ عرب امارات کے صدر شیخ محمد بن زاید النہیان اور دبئی کے ولی عہد شیخ حمدان بن محمد بن راشد المکتوم حال ہی میں دبئی مال کا دورہ کرنے کے لیے آئے، جہاں مال میں موجود خریدار اور ریسٹورنٹس میں بیٹھے افراد نے انہیں قریب سے دیکھا۔
اس موقع پر صدر کے ساتھ نائب وزیرِ اعظم اور وزیرِ دفاع بھی موجود تھے۔ دورے کی ویڈیو دبئی میڈیا آفس کی جانب سے سوشل میڈیا پر شیئر کی گئی، جس میں واضح طور پر دیکھا جا سکتا ہے کہ لوگ دونوں رہنماؤں کے گرد جمع ہو گئے اور خوش دلی سے ملاقات کی۔
اس دوران ایک غیر ملکی شہری، جو گھانا سے تعلق رکھتا ہے، نے صدر اور ولی عہد سے ہاتھ ملایا اور ان کی خیریت دریافت کی، جس پر خوشگوار بات چیت ہوئی۔ صدر نے اس شخص کے لیے امارات میں قیام کے دوران خوشیوں کی خواہش کا اظہار کیا۔
یہ دورہ ایسے وقت میں سامنے آیا ہے جب خطے میں کشیدگی جاری ہے اور ایران کی جانب سے کیے گئے ڈرون حملے متحدہ عرب امارات کے فضائی دفاعی نظام نے ناکام بنا دیے ہیں۔