تعلیمی اداروں میں موسمِ سرما کی تعطیلات کا اعلان، 13 جنوری کو اسکول دوبارہ کھلیں گے

0
104
تعلیمی اداروں میں موسمِ سرما کی تعطیلات کا اعلان، 13 جنوری کو اسکول دوبارہ کھلیں گے

لاہور: پنجاب حکومت نے صوبے بھر کے تمام سرکاری و نجی تعلیمی اداروں کے لیے موسمِ سرما کی تعطیلات کا شیڈول جاری کر دیا ہے۔

محکمہ تعلیم کے مطابق سردیوں کی چھٹیاں 23 دسمبر 2025 سے شروع ہوں گی اور 11 جنوری 2026 تک جاری رہیں گی، جب کہ تمام اسکول 13 جنوری 2026 کو دوبارہ کھلیں گے۔

اعلامیے میں کہا گیا ہے کہ چھٹیوں کا اطلاق صوبے کے تمام اسکولوں، کالجوں اور نجی تعلیمی اداروں پر یکساں طور پر ہوگا، اور کسی ادارے کو اس میں تبدیلی کی اجازت نہیں دی جائے گی۔

محکمہ تعلیم کے مطابق تعطیلات کا فیصلہ صوبے میں بڑھتی سردی اور طلبہ کی صحت کو مدنظر رکھتے ہوئے کیا گیا ہے تاکہ بچے سرد موسم میں بیماریوں سے محفوظ رہیں اور نئی تعلیمی سرگرمیوں کے آغاز پر بہتر تیاری کے ساتھ واپس آئیں۔

یاد رہے کہ گزشتہ ہفتے اسموگ میں اضافے کے باعث اسکولوں کے اوقات میں بھی تبدیلی کی گئی تھی، جس کے تحت کوئی بھی ادارہ صبح 8:45 بجے سے پہلے نہیں کھل سکے گا۔

Leave a reply