بنگلا دیش کرکٹ بورڈ (بی سی بی) کے ڈائریکٹر آصف اکبر نے واضح کیا ہے کہ بنگلا دیش کی ٹیم کسی صورت بھارت میں ہونے والے ٹی 20 ورلڈکپ میں حصہ نہیں لے گی۔
آصف اکبر نے کہا کہ اگرچہ آئی سی سی سری لنکا یا بنگلا دیش کو وینیو کے طور پر منتخب کر سکتا ہے، لیکن بنگلا دیش نے بھارت میں کھیلنے کے حوالے سے اپنی پوزیشن طے کر لی ہے کیونکہ وہاں کھلاڑیوں کی حفاظت کو یقینی نہیں سمجھا جاتا۔
یہ فیصلہ بھارتی ہندو انتہا پسندوں کی دھمکیوں کے بعد سامنے آیا، جس کے نتیجے میں آئی پی ایل ٹیم کلکتہ نائٹ رائڈرز نے بنگلا دیش کے فاسٹ بولر مستفیض الرحمان کو لیگ سے باہر کر دیا۔ مستفیض الرحمان کو شاہ رخ خان کی ٹیم نے بھاری رقم میں خریدا تھا، لیکن دھمکیوں کے باعث انہیں ٹیم میں شامل نہیں رکھا گیا۔
بی سی بی کے اس اعلان کے بعد دونوں بورڈز کے تعلقات میں کشیدگی پیدا ہو گئی ہے، اور بنگلا دیش نے واضح کر دیا ہے کہ بھارت میں کسی بھی کرکٹ میچ میں شرکت نہیں کرے گا۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔