بنوں کے نواحی علاقے بسیہ خیل میں علی الصبح پولیس نے فوری کارروائی کرتے ہوئے ایک بڑا دہشت گردانہ منصوبہ ناکام بنا دیا۔ نامعلوم عناصر نے دوا پل کے مرکزی ستون کے ساتھ ایک دیسی ساختہ بم نصب کر رکھا تھا، جو 8 سے 10 کلو بارودی مواد سے تیار کیا گیا تھا۔
بم ڈسپوزل اسکواڈ نے موقع پر پہنچ کر دھماکا خیز مواد کو محفوظ طریقے سے ناکارہ بنایا، جس سے پل اور قریبی آبادی کو ممکنہ تباہی سے بچا لیا گیا۔ پولیس کے مطابق یہ بارودی مواد ایک بالٹی میں بھر کر پل کے ستون کے ساتھ منسلک کیا گیا تھا۔
علاقہ مکینوں نے پولیس کی بروقت کارروائی پر اظہارِ تشکر کرتے ہوئے کہا کہ عوامی انفرا اسٹرکچر کو نقصان پہنچانے کی کوشش کرنے والے عناصر کسی رعایت کے مستحق نہیں۔ لوگوں نے قانون نافذ کرنے والے اداروں کے ساتھ ہر ممکن تعاون کی یقین دہانی بھی کرائی۔
آر پی او بنوں سجاد خان نے بی ڈی اسکواڈ کی کارکردگی کو سراہتے ہوئے کہا کہ شہریوں کے زیرِ استعمال تنصیبات کو نشانہ بنانے والے عناصر کے خلاف مؤثر کارروائی انتہائی ضروری ہے تاکہ علاقے میں امن اور استحکام برقرار رکھا جا سکے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔