بنوں میں سکیورٹی فورسز کے قافلے پر شدت پسند عناصر کے حملے کے نتیجے میں پاک فوج کے ایک لیفٹیننٹ کرنل اور ایک سپاہی شہید ہوگئے۔
پاک فوج کے شعبہ تعلقات عامہ انٹر سروسز پبلک ریلیشنز (آئی ایس پی آر) کے مطابق سکیورٹی فورسز کو خودکش بمبار کی موجودگی سے متعلق خفیہ اطلاع ملی تھی، جس پر علاقے میں آپریشن شروع کیا گیا۔
بیان کے مطابق کارروائی کے دوران ایک گاڑی میں سوار خودکش بمبار کو اگلے دستے نے روکنے کی کوشش کی۔ اس دوران حملہ آوروں نے بارود سے بھری گاڑی فورسز کی ایک گاڑی سے ٹکرا دی، جس کے نتیجے میں لیفٹیننٹ کرنل شہزادہ گلفراز اور سپاہی کرامت شاہ شہید ہوگئے۔
آئی ایس پی آر کا کہنا ہے کہ جوابی کارروائی میں پانچ حملہ آور ہلاک ہوئے جبکہ سکیورٹی فورسز کی بروقت کارروائی سے شہر کو ممکنہ بڑے نقصان سے بچا لیا گیا۔
فوج کے ترجمان کے مطابق شدت پسند عناصر کی سرحد پار سے دراندازی اور دہشتگردانہ سرگرمیوں کے خلاف کارروائیاں جاری ہیں۔ بیان میں کہا گیا ہے کہ انسدادِ دہشتگردی کی مہم پوری قوت کے ساتھ جاری رہے گی اور ملک سے دہشتگردی کے خاتمے تک آپریشنز کا سلسلہ جاری رکھا جائے گا۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔