بس دریا میں گرنے سے 14 بھارتی سیاح ہلاک
ہاٹ لائن نیوز : بھارت سے نیپال جانے والی بس 40 مسافروں کو لے کر اپنی منزل کے قریب مرسیانگڈی ندی میں گر گئی۔
بھارتی میڈیا کے مطابق مسافر بس پوکھرا سے نیپال کے دارالحکومت کھٹمنڈو کے لیے روانہ ہوئی تھی اور کھٹمنڈو میں اپنی منزل کی طرف جارہی تھی کہ حادثے کا شکار ہوگئی۔
ابھی تک حادثے کی وجہ کا تعین نہیں ہو سکا ہے۔ بس دریا میں گرنے کے بعد نیپالی فوج اور ریسکیو اداروں نے امدادی کارروائیاں شروع کیں جس کے دوران 14 لاشیں نکال لی گئیں۔
امدادی کارروائیوں کے دوران 17 زخمی مسافروں کو قریبی اسپتال منتقل کیا گیا جہاں 4 زخمی مسافروں کی حالت تشویشناک ہونے کے باعث ہلاکتوں میں اضافے کا خدشہ ہے۔ حادثے میں 10 مسافر محفوظ رہے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔