ایشوریا رائے کی نئی ویڈیو ؛ طلاق کی افواہیں دم توڑ گئیں

ہاٹ لائن نیوز : سابق مس ورلڈ اور مشہور بالی ووڈ اداکارہ ایشوریا رائے اور ابھیشیک بچن کی طلاق کی افواہیں دم توڑ گئیں۔

ابھیشیک بچن اور ایشوریا رائے کے درمیان طلاق کی افواہیں گزشتہ چند ماہ سے زور پکڑ رہی ہیں۔ اب ایشوریا رائے کی ایک نئی ویڈیو منظر عام پر آئی ہے جس میں ان کی اور ابھیشیک بچن کی طلاق کی افواہوں کی تردید کی گئی ہے۔

بھارتی میڈیا کے مطابق فیشن ویک کی ایک ویڈیو سوشل میڈیا پر وائرل ہو رہی ہے جس میں ایشوریا رائے بچن کو اپنی بیٹی آرادھیا کے ساتھ دیکھا جا سکتا ہے۔ ایشوریا رائے کی شادی کی انگوٹھی، جو انہوں نے اپنی انگلی میں پہنی تھی، تقریب میں توجہ کا مرکز رہی۔

اس مختصر ویڈیو کے بعد سوشل میڈیا صارفین کو یقین ہوگیا کہ ایشوریا رائے اور ابھیشیک نے طلاق نہیں لی ہے اور وہ اب بھی رشتے میں ہیں۔