ایران نے بھارتی شہریوں کیلئے ویزا فری انٹری معطل کر دی
ایران نے بھارتی شہریوں کو دی جانے والی یک طرفہ ویزا فری سہولت ختم کرنے کا اعلان کر دیا ہے۔ بھارتی میڈیا رپورٹس کے مطابق دونوں ممالک کے درمیان سفری پالیسیوں میں نمایاں تبدیلی کرتے ہوئے تہران نے فیصلہ کیا ہے کہ اب بھارت کے عام پاسپورٹ رکھنے والے افراد بغیر ویزا ایران میں داخل نہیں ہوسکیں گے۔
رپورٹس میں بتایا گیا ہے کہ حالیہ مہینوں میں ایسے متعدد واقعات سامنے آئے جن میں بھارتی شہریوں کو ملازمت یا کسی تیسرے ملک پہنچانے کے جھانسے میں ایران بلایا گیا، جہاں بعض افراد کے اغوا اور تاوان طلب کیے جانے کی شکایات بھی موصول ہوئیں۔ انہی صورتحال کے باعث ایران نے ویزا فری سہولت فوری طور پر معطل کرنے کا فیصلہ کیا۔
بھارتی وزارتِ خارجہ کے مطابق ایرانی حکام نے جرائم پیشہ گروہوں کی جانب سے ویزا فری انٹری کے غلط استعمال کو روکنے کے لیے یہ اقدام اٹھایا ہے۔ وزارت کے بیان میں کہا گیا ہے کہ 22 نومبر سے بھارتی پاسپورٹ رکھنے والے تمام مسافروں کو ایران میں داخلے یا ٹرانزٹ کے لیے پیشگی ویزا حاصل کرنا لازمی ہوگا۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔