امریکہ کا پولیس اہلکاروں کے اغوا پر تشویش کا اظہار
ہاٹ لائن نیوز : امریکہ نے پاکستان میں دہشت گردی اور پولیس اہلکاروں کے اغوا پر تشویش کا اظہار کیا ہے۔
واشنگٹن میں پریس بریفنگ کے دوران امریکی محکمہ خارجہ کے ترجمان میتھیو ملر نے پاکستان میں ہونے والے حالیہ دہشت گردانہ حملوں کی مذمت کرتے ہوئے کہا کہ دہشت گردی کیوجہ سے پاکستانی عوام کو بہت نقصان اٹھانا پڑا ہے۔
میتھیو ملر نے کہا، “دہشت گردی سے متاثرہ خاندانوں سے ہمدردی ہے۔ ہمارے دل 9 نومبر کو کوئٹہ میں ہونے والے دھماکے کے متاثرین کے لیے دکھتے ہیں۔ پاکستانی عوام کیخلاف دہشت گردی کے خوفناک حملے جاری ہیں۔”
ترجمان امریکی محکمہ خارجہ کا مزید کہنا تھا کہ دہشت گردی روکنے کے لیے پاکستان کیساتھ بات چیت کے لیے پرعزم ہیں۔
انہوں نے یہ بھی کہا کہ دہشت گردی کیخلاف سویلین اور فوجی صلاحیت بڑھانے کے لیے مشاورت جاری ہے، دہشت گردی کے خلاف پاکستان کیساتھ شراکت داری جاری رکھیں گے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔