امریکا–سعودی دفاعی تعلقات میں نیا باب؟ جدید جنگی طیاروں کی ممکنہ فروخت زیرِ غور

ذرائع کے مطابق امریکا سعودی عرب کو جدید 48 ایف-35 لڑاکا طیارے فراہم کرنے کے امکان کا جائزہ لے رہا ہے۔ یہ طیارے امریکی کمپنی لاک ہیڈ مارٹن کی تیار کردہ جدید ترین جنگی مشینیں ہیں۔

اطلاعات کے مطابق سعودی عرب نے کچھ عرصہ قبل ان طیاروں کی خریداری کے لیے باضابطہ درخواست دی تھی، جس کے بعد امریکی حکام نے اس معاملے پر غور شروع کیا۔ تاہم ابھی تک پینٹاگون، وائٹ ہاؤس اور محکمہ خارجہ کی جانب سے کوئی سرکاری موقف سامنے نہیں آیا۔

ذرائع کا کہنا ہے کہ ممکنہ معاہدہ اربوں ڈالر مالیت کا ہو سکتا ہے، جسے حتمی منظوری کے لیے امریکی حکومت اور کانگریس کے سامنے پیش کیا جائے گا۔

فی الحال یہ عمل ابتدائی مرحلے میں ہے اور فروخت سے متعلق کوئی حتمی فیصلہ نہیں کیا گیا۔