فیڈرل بورڈ آف ریونیو (ایف بی آر) نے اسلام آباد میں پراپرٹی کے نئے سرکاری ویلیوایشن ریٹس جاری کر دیے ہیں۔ اس حوالے سے جاری کردہ نوٹیفکیشن کے مطابق وفاقی دارالحکومت میں رہائشی اور کمرشل جائیدادوں کی نئی قیمتوں کا اطلاق کر دیا گیا ہے۔
ایف بی آر کے مطابق نظرثانی شدہ ریٹس کے تحت مختلف علاقوں میں پراپرٹی کی سرکاری قیمتوں میں 15 سے 75 فیصد تک اضافہ کیا گیا ہے۔ نئی ویلیوایشن کے بعد غیرمنقولہ جائیدادوں کی مارکیٹ ویلیو انہی نرخوں کی بنیاد پر مقرر کی جائے گی، جس پر کیپیٹل گین ٹیکس اور ودہولڈنگ ٹیکس وصول کیا جائے گا۔
نوٹیفکیشن میں بتایا گیا ہے کہ پانچ سال تک پرانی رہائشی تعمیر شدہ جائیداد کے لیے ریٹ 3 ہزار روپے فی مربع فٹ مقرر کیا گیا ہے، جبکہ پانچ سال سے زائد پرانی تعمیر شدہ جائیداد کا ریٹ 1500 روپے فی مربع فٹ طے کیا گیا ہے۔
ایف بی آر کا کہنا ہے کہ نئے ایس آر او کے اجرا کے بعد سابقہ سرکاری ریٹس ختم تصور کیے جائیں گے اور اب تمام لین دین نئے مقررہ نرخوں کے مطابق ہوگا۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔