اسلام آباد میں بڑھتی ہوئی فضائی آلودگی اور اسموگ کے اثرات کے پیش نظر ضلعی محکمہ صحت نے شہریوں کے لیے ایڈوائزری جاری کر دی ہے۔ محکمہ صحت کے مطابق اسموگ کے باعث سانس، دل اور آنکھوں کے امراض کے بڑھنے کا خطرہ موجود ہے، خاص طور پر بچوں، بزرگوں اور دائمی مریضوں کے لیے۔
ایڈوائزری میں شہریوں کو غیر ضروری بیرونی سرگرمیاں محدود کرنے اور کھڑکیاں و دروازے بند رکھنے کی ہدایت کی گئی ہے۔ دھوئیں سے بچاؤ کے لیے ماسک کے استعمال پر زور دیا گیا ہے، اور آنکھوں میں جلن کی صورت میں صاف پانی سے دھونے کی ہدایت دی گئی ہے۔
محکمہ صحت نے شہریوں سے کہا ہے کہ سانس لینے میں دشواری یا دیگر شدید علامات محسوس ہونے پر فوری طور پر طبی مدد حاصل کریں۔ اس کے علاوہ اسموگ کے دوران ٹریفک اور گاڑیوں کے استعمال کو کم کرنے کی بھی سفارش کی گئی ہے تاکہ فضائی آلودگی کے اثرات کو کم کیا جا سکے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔