ارکان قومی و صوبائی اسمبلی کو وارننگ
ہاٹ لائن نیوز : الیکشن کمیشن نے کہا ہے کہ ارکان قومی و صوبائی اسمبلی 31 دسمبر تک اپنی اہلیہ اور زیر کفالت بچوں کے اثاثوں اور واجبات کے گوشوارے جمع کرائیں، یکم جنوری تک مطلوبہ گوشوارے جمع نہ کرانے والوں کے نام شائع کر دیں گے۔
الیکشن کمیشن نے اعلامیہ جاری کیا ہے کہ مالی سال 2022-23 کے لیے اراکین قومی و صوبائی اسمبلی کے اثاثوں اور واجبات کے گوشوارے جمع کرانے کی حتمی تاریخ 31 دسمبر ہے۔ اراکین اپنے شریک حیات اور زیر کفالت بچوں کے اثاثوں اور واجبات کے گوشوارے جمع کرائیں۔ .
الیکشن کمیشن کا کہنا ہے کہ یکم جنوری تک مطلوبہ گوشوارے جمع نہ کرانے والوں کے نام شائع کر دیے جائیں گے، 15 جنوری تک گوشوارے جمع نہ کرانے والوں کی رکنیت معطل کر دی جائے گی۔
الیکشن کمیشن کے مطابق رپورٹس میں کسی بھی قسم کی غلط معلومات فراہم کرنے والے رکن اسمبلی کے خلاف کارروائی کی جائے گی۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔