کراچی: سندھ پولیس نے اپنے افسران کے لیے میڈیا پر اظہارِ خیال سے متعلق نئی ہدایات جاری کر دی ہیں، جن کے تحت کسی بھی پولیس افسر کو آئی جی سندھ کی پیشگی اجازت کے بغیر میڈیا پر گفتگو یا شرکت کی اجازت نہیں ہوگی۔
سینٹرل پولیس آفس سے جاری ہدایت نامے کے مطابق ٹی وی، ریڈیو پروگرام، پوڈکاسٹ، پریس کانفرنس، ڈیجیٹل میڈیا اور دیگر عوامی فورمز پر سرکاری حیثیت میں شرکت کے لیے پیشگی منظوری حاصل کرنا لازمی قرار دیا گیا ہے۔
ہدایت نامے میں کہا گیا ہے کہ اجازت حاصل کرنے والے افسران صرف منظور شدہ ایجنڈے تک اپنی گفتگو محدود رکھیں گے، جبکہ جاری تحقیقات، انٹیلیجنس معلومات اور آپریشنل معاملات سے متعلق حساس معلومات کے اظہار پر بھی پابندی عائد کی گئی ہے۔
مزید ہدایت کی گئی ہے کہ تمام نگران افسران ان احکامات پر سختی سے عملدرآمد یقینی بنائیں۔ ہدایت نامے کے مطابق ضوابط کی خلاف ورزی کی صورت میں متعلقہ افسر کے خلاف محکمانہ کارروائی عمل میں لائی جا سکتی ہے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔