ہاٹ لائن نیوز: پنجاب کے ضلع بہاولپور میں باپ نے اپنی دو چھوٹی بچیوں کو قتل کر دیا۔
تفصیلات کے مطابق مقامی عدالت نے لڑکیوں کو ماں کے حوالے کرنے کا حکم دیا تاہم باپ نے حکم پر عمل کرنے کی بجائے بیٹیوں کو قتل کردیا۔
بہاولپور کی عدالت میں میاں بیوی اور بچوں سے متعلق کیس کی سماعت ہوئی جس کے بعد یہ فیصلہ سنایا گیا۔
دوسری جانب میاں بیوی میں جھگڑا ہوگیا جس پر بیوی نے شوہر سے علیحدگی اختیار کرلی۔ ذرائع کے مطابق سرفراز نامی شخص اور اس کی بیوی آسیہ کے درمیان جھگڑا چل رہا تھا جس کے بعد بیوی میکے آئی۔
آسیہ بچیوں کو میکے لے گئی جس کے بعد سرفراز آسیہ کے گھر پہنچا جہاں ان کی لڑائی ہوئی، اسی دوران باپ نے اپنی ہی دو بیٹیوں کو لوہے کی راڈ سے زخمی کر دیا جو موقع پر ہی دم توڑ گئیں۔
پولیس نے لاشوں کو تحویل میں لے کر پوسٹ مارٹم کے لیے اسپتال منتقل کردیا ہے جب کہ ملزم کو گرفتار کرکے مقدمہ بھی درج کرلیا گیا ہے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔