فیلڈ مارشل سید عاصم منیر کی قیادت میں پاکستانی وفد نے تہران میں ایرانی وزیر خارجہ عباس عراقچی سے ملاقات کی، جس میں دیگر ایرانی حکام بھی شریک ہوئے۔
ایرانی وزیر خارجہ نے سماجی رابطے کی ویب سائٹ ایکس پر جاری بیان میں پاکستان کی جانب سے مذاکرات کے لیے تعاون اور مثبت کردار پر شکریہ ادا کیا۔ انہوں نے کہا کہ یہ ملاقات دونوں ممالک کے مضبوط اور دیرینہ تعلقات کی عکاسی کرتی ہے۔
عباس عراقچی نے فیلڈ مارشل عاصم منیر کا ایران آمد پر خیرمقدم کرتے ہوئے کہا کہ خطے میں امن اور استحکام کے فروغ کے لیے دونوں ممالک کا عزم مشترکہ اور مضبوط ہے۔
یہ دورہ ایسے وقت میں ہو رہا ہے جب ایران اور امریکا کے درمیان مذاکرات کی بحالی کی کوششیں جاری ہیں۔ اسی سلسلے میں پاکستان کا اعلیٰ سطحی وفد تہران میں موجود ہے۔
ذرائع کے مطابق، وفد کی آمد پر ایرانی حکام نے پرتپاک استقبال کیا، جبکہ علاقائی صورتحال اور دوطرفہ تعلقات پر بھی تفصیلی گفتگو کی گئی۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔