عالمی منڈی میں گراوٹ، مقامی مارکیٹ میں بھی سونا سستا

مقامی اور عالمی منڈیوں میں سونے کی قیمتوں میں نمایاں کمی دیکھنے میں آئی ہے جس کے باعث خریداروں کے لیے سونا نسبتاً سستا ہو گیا ہے۔
تازہ اعداد و شمار کے مطابق 10 گرام سونے کی قیمت میں 8 ہزار 573 روپے کی کمی ریکارڈ کی گئی ہے، جس کے بعد نئی قیمت 4 لاکھ 62 ہزار 930 روپے ہو گئی ہے۔
ادھر کراچی صرافہ مارکیٹ میں فی تولہ سونے کی قیمت 10 ہزار روپے کم ہو کر 5 لاکھ 39 ہزار 962 روپے تک آ گئی ہے۔ صرافہ ڈیلرز کے مطابق حالیہ کمی عالمی مارکیٹ میں قیمتوں میں گراوٹ کے باعث سامنے آئی ہے۔
عالمی منڈی میں بھی سونے کی قیمت میں 100 ڈالر فی اونس کمی ریکارڈ کی گئی ہے، جس کے بعد نئی قیمت 5 ہزار 172 ڈالر فی اونس ہو گئی ہے۔
ماہرین کا کہنا ہے کہ عالمی سطح پر ڈالر کی قدر میں اتار چڑھاؤ، معاشی غیر یقینی صورتحال اور سرمایہ کاروں کے رجحانات میں تبدیلی سونے کی قیمتوں پر براہ راست اثر ڈالتی ہے۔ اگر عالمی مارکیٹ میں یہی رجحان برقرار رہا تو مقامی سطح پر بھی قیمتوں میں مزید ردوبدل کا امکان موجود ہے۔