یوکرین اور فرانس کے درمیان بڑا دفاعی معاہدہ
یوکرین اور فرانس کے درمیان طویل مدتی دفاعی تعاون کا ایک اہم معاہدہ طے پا گیا ہے جس کے تحت یوکرین آئندہ برسوں میں فرانسیسی ساختہ جدید فوجی ساز و سامان حاصل کرے گا۔
پیرس میں ہونے والی مشترکہ پریس کانفرنس میں یوکرینی صدر ولودیمیر زیلنسکی اور فرانسیسی صدر ایمانوئیل میکرون نے معاہدے پر دستخط کیے، جسے دونوں رہنماؤں نے دوطرفہ دفاعی شراکت داری میں ایک اہم پیش رفت قرار دیا۔
معاہدے کے مطابق یوکرین دس سال کے دوران 100 رافیل جنگی طیاروں سمیت ڈرونز، ریڈار سسٹمز، ائیر ڈیفنس سسٹمز، اسمارٹ گائیڈڈ بم اور دیگر جدید عسکری آلات حاصل کرے گا۔
زیلنسکی کے مطابق یہ تعاون یوکرین کی طویل المدت سلامتی کو مضبوط بنائے گا، جبکہ میکرون کا کہنا تھا کہ اس معاہدے سے دونوں ممالک کے اسٹریٹجک تعلقات مزید مستحکم ہوں گے۔
فرانسیسی صدر کے مطابق طے شدہ ساز و سامان کی ابتدائی ترسیل آئندہ تین برسوں میں شروع ہو جائے گی۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔