ایشین کرکٹ کونسل کے صدر محسن نقوی نے بھارتی کرکٹ بورڈ (بی سی سی آئی) کی جانب سے ایشیا کپ 2025 کی ٹرافی کے حوالے سے بھیجے گئے خط کا جواب دے دیا ہے۔
ذرائع کے مطابق، محسن نقوی نے اپنے جواب میں کہا ہے کہ اگر بھارتی ٹیم کو ٹرافی چاہیے تو اس کیلئے باضابطہ تقریب رکھی جائے گی، جس میں کسی ایک کھلاڑی کے ساتھ آ کر ٹرافی وصول کی جا سکتی ہے۔
ایشین کرکٹ کونسل نے بھارتی بورڈ کو آگاہ کیا ہے کہ ٹرافی نومبر کے پہلے ہفتے میں دی جا سکتی ہے، اور اس حوالے سے دبئی میں تقریب منعقد کرنے کی تجویز دی گئی ہے۔
واضح رہے کہ ایشیا کپ 2025 کے فائنل میں کامیابی کے باوجود بھارتی ٹیم نے ٹرافی تقریب میں وصول نہیں کی تھی، جس پر محسن نقوی نے ٹرافی واپس اے سی سی کے دفتر بھجوا دی تھی۔
اس سے قبل محسن نقوی نے اپنے بیان میں کہا تھا کہ اگر بھارتی کپتان کو ٹرافی چاہیے تو وہ آ کر وصول کریں۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔