ہاٹ لائن نیوز : کراچی پولیس نے نادرن بائی پاس پر کارروائی کرتے ہوئے حیدرآباد سے کراچی جانے والی کار چوری کرنے والے 3 ملزمان کو گرفتار کرلیا جب کہ ملزمان سے مسروقہ ٹویوٹا کرولا برآمد کرلی گئی۔
ناردرن بائی پاس کراچی سے گرفتار تینوں ملزمان نے حیدرآباد رینٹ اے کار سے کراچی کیلیے کار بک کرائی تھی، ملزمان نے ڈرائیور کو زخمی کرکے کار انڈس چوکی عمر بروہی گوٹھ کے قریب سے چوری کی، جس کا مقدمہ گلشن معمار تھانے میں درج ہے۔
پولیس آپریشن کے دوران گرفتار ملزمان میں محمد علی مغیری، سلیم کھوسو اور راہول کمار شامل ہیں۔ ملزمان محمد علی مغیری اور سلیم کھوسو اس سے قبل بھی ڈکیتی اور منشیات کے مقدمات میں جیل جا چکے ہیں، ملزمان چوری کی گاڑیاں گوادر میں جعفر نامی شخص کو فروخت کرتے ہیں۔
پولیس ساتھیوں کی گرفتاری اور مزید گاڑیاں برآمد کرنے کے لیے چھاپے ماررہی ہے
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔