غزہ جنگ نے اسرائیلی معیشت کو ڈبو دیا

ہاٹ لائن نیوز : غزہ کی جنگ اسرائیل کی معیشت کے لیے بڑا خطرہ بن گئی۔

پچھلے سال 7 اکتوبر 2023 کو غزہ اسرائیل جنگ کے آغاز کے بعد سے اسرائیل میں 46,000 کاروبار بند ہو چکے ہیں۔ 2023 کے آخر تک اسرائیل کی جی ڈی پی میں تقریباً 20 فیصد کمی کا امکان ہے۔

اسرائیلی اخبار ماریو کے مطابق غزہ جنگ کے آغاز میں 35000 اسرائیلی کاروبار بند کر دیے گئے تھے جو کہ مجموعی طور پر اسرائیل کے کاروباری شعبے کا 70% ہے۔

غزہ جنگ کے معاشی اثرات سے اسرائیل کی تعمیراتی صنعت سب سے زیادہ متاثر ہوئی، سیرامکس، ایئر کنڈیشننگ اور ایلومینیم کی صنعتیں بھی نمایاں طور پر متاثر ہوئیں۔ تجارت اور زراعت کے شعبے بھی شدید متاثر ہوئے، غیر ملکی سیاحت بھی ختم ہوگئی۔

رپورٹ کے مطابق اس سال 2024 کے آخر تک اسرائیل میں 60,000 کاروبار بند ہونے کا خدشہ ہے۔

حزب اللہ کے حملوں نے اسرائیل کی معیشت کو بھی نقصان پہنچایا، چنانچہ حزب اللہ کے رہنما حسن نصر اللہ نے گزشتہ ماہ کہا تھا کہ ہم نے دشمن کی معیشت کو تباہ کرنے کا ہدف حاصل کر لیا ہے۔

وہیں یمنی فوج کی بحری کارروائیوں نے اسرائیل کی معیشت کے زوال میں اہم کردار ادا کیا۔ اگر اسرائیل نے غزہ پر مظالم بند نہ کیے تو حماس، حزب اللہ اور حوثیوں کے حملے اسرائیلی معیشت کو تباہ کر دیں گے۔