ہاٹ لائن نیوز : اسکالر شپ پر بیرون ملک تعلیم حاصل کرنے والے 97 طلبہ فرار، طلبہ یورپ، امریکا، برطانیہ، کینیڈا اور آسٹریلیا میں تعلیم حاصل کرنے گئے تھے۔
اوورسیز اسکالرشپ پروگرام کے نام پر طلبہ مفرور ہوگئے، مختلف اسکالرشپ پروگرامز میں ایک ارب 55 کروڑ 75 لاکھ روپے مختص کیے گئے ہیں۔
اسکالرشپ پر بیرون ملک تعلیم حاصل کرنے والے 97 طلبہ فرار ہوگئے، اوورسیز اسکالرشپ فیز ٹو کے 70 طلبہ فرار ہوگئے ۔
یورپ اسکالر شپ پر تعلیمی اخراجات کی مد میں 83 کروڑ، امریکا جانے والوں کے لیے 7 کروڑ 49 لاکھ، برطانیہ جانے والے طلبہ کے لیے 17 کروڑ سے زائد ادا کیے گئے جب کہ 70 طلبہ کے سفری اخراجات پر 77 لاکھ روپے خرچ ہوئے۔
اس کے علاوہ ہارڈ شپ فیز ون ماسٹر ڈگری اسکالرشپ کے 19 طلبہ لاپتہ ہوگئے، پی ایچ ڈی اسکالرشپ پروگرام کے 5 طلبہ جبکہ فلبرائٹ اسکالرشپ پروگرام کے 3 طلبہ بھاگ گئے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔