پانچ بہن بھائی بارش کے پانی میں ڈوب گئے

ہاٹ لائن نیوز : ڈپٹی کمشنر نے بلوچستان کے ضلع آواران میں جوہر میں ڈوب کر 5 بچوں کی ہلاکت کی تحقیقات کا حکم دے دیا ہے۔

صوبہ بلوچستان کے ضلع آواران کے علاقے جھاؤ میں بارش کے پانی کے گڑھے میں ڈوب کر 5 بچے جاں بحق ہوگئے۔

ذرائع کے مطابق ڈپٹی کمشنر آواران عائشہ زہری نے بچوں کی ہلاکت کا نوٹس لیتے ہوئے کہا کہ آواران کے علاقے جھاؤ کے نواح میں ایک ٹھیکیدار نے سڑک کی تعمیر کے لیے گڑھا کھودا تھا جس میں بارش کا پانی کھڑا تھا۔

عائشہ زہری کے مطابق 3 بہنوں اور 2 بھائیوں سمیت 5 بچے اس وقت پانی میں ڈوب گئے جب وہ گہرائی میں نہانے کے باعث پانی میں ڈوب گئے۔

جبکہ جاں بحق بچوں کی عمریں 6 سے 12 سال کے درمیان تھیں جنہیں پانی سے نکال کر ہسپتال پہنچایا گیا۔

دوسری جانب وزیراعلیٰ بلوچستان میر سرفراز بگٹی نے بھی معاملے کا نوٹس لے لیا ہے، جب کہ انہوں نے بھی گہرے دکھ کا اظہار کیا ہے۔