ہاٹ لائن نیوز : کوٹ ادو کے علاقے سنانواں میں غیرت کے نام پر ایک اور شادی شدہ جوڑے کو قتل کر دیا گیا۔ پولیس کا کہنا ہے کہ شازیہ بی بی ایک سال قبل گھر سے بھاگی تھی اور اپنے پہلے شوہر تنویر سے شادی منسوخ کر دی تھی۔ اس کے بعد اس نے طارق سے شادی کر لی۔
شازیہ کے اہل خانہ نے طارق کے خلاف اغوا کا مقدمہ بھی درج کرایا تھا تاہم بعد ازاں جوڑے کیجانب سے نکاح نامہ پیش کرنے کے بعد اغوا کا مقدمہ خارج کر دیا گیا۔
خاتون کی جانب سے موت کے وقت دیے گئے بیان کے مطابق شازیہ بی بی کے بھائی دلاور، والد ہاشم اور سابق شوہر تنویر سمیت متعدد افراد نے گھر میں گھس کر فائرنگ کی۔
دونوں لاشوں کو پوسٹ مارٹم کے لیے سنانواں دیہی صحت مرکز منتقل کر دیا گیا۔ ایس ایچ او سنانواں شاہد رضوان کے مطابق مقدمہ درج کر کے ملزمان کی گرفتاری کے لیے چھاپے مارے جا رہے ہیں۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔