ہاٹ لائن نیوز : لاہور ہائی کورٹ پی ٹی آئی کےسینٹر اعجاز چوہدری کی جیل ٹرائل کےفیصلے کیخلاف درخواست پرسماعت ہوئی ۔
عدالت نےدرخواست پرسماعت کو 27 فروری تک ملتوی کردیاہے ، عدالت نے درخواستگزار اور سرکاری وکیل کو عدالتی فیصلےکی نقول فراہم کرنیکی ہدایت کر دی۔
عدالت نے استفسار کیا کہ کیا اسی نوعیت کی درخواست پر فیصلہ ہوچکا ہے جس ہر سرکاری وکیل نے عدالت میں بتایا کہ فیصل آباد کے کیس میں درخواست خارج ہوچکی ہے ۔
عدالت نے حکم دیا کہ آپ آئندہ سماعت پر فیصلے کی کاپی عدالت میں پیش کی جائے، ایسا نہ ہو کہ ہمارا فیصلہ اس سے مختلف آ جائے۔
جسٹس عالیہ نیلم کی سربراہی میں دورکنی بنچ نےاعجاز چوہدری کی درخواست پرسماعت کی ۔
درخواست میں حکومت پنجاب سمیت دیگرکو فریق بنایا گیا ہے
درخواست میں موقف اختیار کیا گیا ہے کہ درخواست گزار پی ٹی آئی رہنما اور منتخب سینیٹر ہے، نو مئی واقعات کے تھانہ شادمان اور تھانہ سرور کے کیسز میں گرفتار کیا گیا، انسداد دہشت گردی عدالت نے قانونی تقاضے پورے کئے بغیر جیل ٹرائل کا حکم سنایا، ٹرائل کورٹ کا جیل ٹرائل کا فیصلہ بنیادی حقوق کیخلاف ہے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔