2025 میں دنیا کے سب سے زیادہ قرضدار ممالک کی فہرست

2025 میں دنیا کے سب سے زیادہ قرضدار ممالک کی تازہ ترین رپورٹ سامنے آ گئی ہے، جس میں مختلف ممالک کے سرکاری قرض اور قرض کے جی ڈی پی کے تناسب کی تفصیلات شامل ہیں۔ ماہرین کے مطابق، قرض کا تناسب کسی ملک کی اقتصادی صحت کا اہم اشارہ ہے اور اس سے معیشت کی پائیداری کا اندازہ لگایا جا سکتا ہے۔

سرکاری قرض کے لحاظ سے سب سے زیادہ قرضدار ممالک:

جاپان: 2025 میں جاپان دنیا کے سب سے زیادہ قرضدار ممالک میں سرفہرست ہے، جس کا قرض 242 فیصد جی ڈی پی کے برابر ہے۔

اریٹریا: افریقی ملک اریٹریا کا قرض جی ڈی پی کا 210 فیصد ہونے کا امکان ہے۔

سنگاپور: ایشیائی ملک سنگاپور کا سرکاری قرض 173 فیصد جی ڈی پی تک پہنچنے کی توقع ہے۔

یونان: یورپی ملک یونان کا قرض 149 فیصد جی ڈی پی کے برابر متوقع ہے۔

اٹلی: اٹلی کا سرکاری قرض 138 فیصد جی ڈی پی کے قریب رہے گا۔

بحرین: عرب ملک بحرین کا قرض 131 فیصد جی ڈی پی تک پہنچنے کا امکان ہے، جو گزشتہ برسوں کے مقابلے میں نمایاں اضافہ ہے۔

سوڈان: افریقہ کے ملک سوڈان کا قرض 128 فیصد جی ڈی پی کے برابر رہے گا۔

مالدیپ: مالدیپ کا سرکاری قرض 125 فیصد جی ڈی پی کے قریب متوقع ہے۔

امریکہ: دنیا کی سب سے بڑی معیشت امریکہ کا سرکاری قرض 124 فیصد جی ڈی پی تک پہنچنے کا امکان ہے۔

فرانس: فرانس کا سرکاری قرض 116 فیصد جی ڈی پی رہنے کا امکان ہے، اور ماہرین کے مطابق یہ دَہائی کے آخر تک 120 فیصد تک بڑھ سکتا ہے۔

ماہرین اقتصادیات کا کہنا ہے کہ قرض کا یہ بڑھتا ہوا رجحان عالمی سطح پر مالیاتی استحکام کے لیے چیلنج پیدا کر سکتا ہے اور ممالک کے لیے طویل مدتی مالیاتی منصوبہ بندی کی ضرورت کو اجاگر کرتا ہے۔