اسلام آباد: وفاقی کابینہ نے 10 روپے کے بینک نوٹ کے مستقبل سے متعلق جائزے کے لیے وزیرِ خزانہ کی سربراہی میں ایک کمیٹی تشکیل دے دی ہے۔
کمیٹی کو ہدایت دی گئی ہے کہ وہ اس بات پر سفارشات مرتب کرے کہ آیا 10 روپے کا بینک نوٹ برقرار رکھا جائے یا اسے ختم کر کے سکے کو متبادل کے طور پر رائج کیا جائے۔
ذرائع کے مطابق کمیٹی کو یہ ذمہ داری بھی دی گئی ہے کہ وہ 10 روپے کے بینک نوٹ کی تیاری پر آنے والی لاگت کا تفصیلی جائزہ لے اور اس کا موازنہ 10 روپے کے سکے سے کرے، تاکہ یہ تعین کیا جا سکے کہ معاشی طور پر کون سا آپشن زیادہ مؤثر اور فائدہ مند ہے۔
کمیٹی کی سفارشات موصول ہونے کے بعد حتمی فیصلہ وفاقی کابینہ کی جانب سے کیا جائے گا۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔